認識Simon不深, 但每次見他都是好好笑容, 可能因為每次見他都是在小朋友聚會的場合上, 見他同熹熹相處, 面上總是掛著一張有仔萬事足的臉, 好冧的樣子, 可見Simon有幾鍚個仔! 最後一次見他, 是在10月1日~2日的灣仔親子露營, 總共有13個大人1, 7位小朋友, 這次露營, 大部份小朋友都是第一次,所以表現得十分興奮, 熹熹是其中一位, 小朋友都在營地上跑來跑去, 在我們搭建的每個營之間進進出出, 小朋友在席上面跳來跳去, 將螢光圈拋來拋去, 追住營地裡其他人吹出來的泡泡球, 玩玩吊床,就已經好開心! 做父母的我們, 看見這樣, 也很滿足同安慰! 還說定好咗下一年再去過! 雖然露營要帶的用品好多, 背包已經好重, 但做爸爸的Simon, 是當中唯一一位帶攝影機去露營的家長, 不是輕便的攝影機, 亦不是智能電話裡的攝影功能, 機身有如磚頭咁大, 目的當然是為了拍下熹熹在露營時, 與小朋友一起玩的趣事, 那麼重的背包, 還要百上加斤, 可見他對熹熹是如此的愛! 到吃完晚餐, 才知道原來Simon 不會在營地過夜, 心裡好佩服他對家人的體貼, 自問比著我, 如果唔會過夜, 根本都唔會來, 山長水遠帶咁多嘢, 仲要趕來趕去! 一定好辛苦! 為的都是想個仔有機會同一班小朋友一齊玩, 開心一吓! 父母的愛真係偉大! 就是永遠無條件的不停付出! 熹熹, 你知道你爸媽有多愛你嗎? 爸爸要去天國住了, 以後由你代替爸爸好好鍚媽媽, 孝順媽媽啦! 長大後, 要做個有出色的人, 好讓你爸可以安心的住在天國, 好讓你媽因為你而感到自豪! 祝福你們!